6199 ფილმის ჩანიშვნა არ მუშაობს ?
‘ჯეისონ ბორნის’ ახალი სამი ვიდეო-კლიპი
წელი: 2016
რეჟისორი:
მსახიობები:
აღწერა: ჯეისონ ბორნი დაბრუნდა. და სანამ პრემიერა შედგება, მის გულშემატკივრებს საშუალება ეძლევათ სამი ახალი კლიპი იხილონ ფილმიდან, რომელიც Universal Pictures-მა ამ უიქენდზე გამოაქვეყნა. თითოეული კლიპი 60 წამიანია. პირველ მათგანში მეთ დეიმონის პერსონაჟს ავტომობილების დევნის დროს ვხედავთ. მეორე მათგანში ბორნი მოტოციკლეტით დაქრის. მესამე კლიპი კი საშუალებას გვაძლევს სამსახიობო გუნდის ახალ წევრებს, ალისია ვიკანდერს და ტომი ლი ჯონსს შევხედოთ, რომლებიც გაცხარებულ საუბარში არიან ჩაბმულნი ბორნთან.

“ალისია წარმოადგენს იმის განსხეულებას, თუ როგორ შეიცვალა სამყარო. მთელი ეს კიბერნეტიკული ელემენტი არ არსებობდა აქ ათი წლის წინ. ტომი ლი ჯონსმა და ვინსენ კასელმა შექმნეს სრულიად ახალი ბორნის ფილმი, მაგრამ თქვენ ნამდვილად მიხვდებით, რომ ეს ბორნის ფილმია”.

-ამბობს მეთ დეიმონი Empire Magazin-თან ინტერვიუში.

კასელი ფილმს უერთდება, როგორც მთავარი გმირის ანტაგონისტი, ბოროტი გმირი და ასრულებს რის აჰმედის როლს, რომელიც CIA-ს კიბერ სპეციალისტს წარმოადგენს, ისევე როგორც ვიკანდერი.

ფილმის რეჟისორად პროექტში პოლ გრინგრასი ბრუნდება. მსოფლიო კინოპრემიერა 29 ივლისს შედგება.

იხილეთ ჯეისონ ბორნის სამი კლიპი ქვემოთ: