10 საინტერესო ფაქტი ლეონარდო დიკაპრიოს შესახებ

10 საინტერესო ფაქტი ლეონარდო დიკაპრიოს შესახებ
ლეონარდო დიკაპრიო
1. ჯეკის როლზე, ფილმისთვის ტიტანიკი, ის უშუალოდ ჯეიმს კამერონის მოთხოვნით დამტკიცდა.
20th Century Fox, Paramaunt Pictures-სა და Lightstorm Entertainment-ს ტიტანიკში ჯეკის როლზე მეთიუ მაკკონაჰის ხილვა სურდა. თუმცა, ჯეიმს კამერონის დაჟინებული მოთხოვნით, როლზე ლეონარდო დიკაპრიო დაამტკიცეს.

2. ბავშვობაში ის სატელევიზიო შოუდან გამოაგდეს.
ლეონარდო დიკაპრიო პირველად საბავშვო სატელევიზიო შოუში – Romper Room გამოჩნდა, თუმცა, ცუდი ქცევის გამო, შოუდან მალევე დაითხოვეს.

3. მსახიობს სახელი ლეონარდო და ვინჩის საპატივსაცემოდ დაარქვეს.
როდესაც დედამისი მასზე ორსულად იყო, ნაყოფის პირველი ბიძგი ლეონარდო და ვინჩის ნახატის წინ იგრძნო. სწორედ ამ ფაქტმა გადაწყვიტა მომავალი მსახიობის სახელი.
10 საინტერესო ფაქტი ლეონარდო დიკაპრიოს შესახებ

ლეონარდო დიკაპრიო ფილმში “დასაწყისი”
4. ფილმი დასაწყისი ლეონარდო დიკაპრიოს გარშემო აეწყო.
ფილმის რეჟისორი, კრისტოფერ ნოლანი კობის როლზე თავიდანვე ლეონარდოს მოიაზრებდა. ნოლანის განცხადებით, მან სხვა მსახიობებიც დიკაპრიოზე მორგებულად აარჩია.

5. დიკაპრიოს შემთხვევითი ფრაზა საუკეთესო ციტატად იქცა კინოში.
ტიტანიკში რეპლიკა – მე სამყაროს მეფე ვარ! უშუალოდ ლეონარდო დიკაპრიოს ეკუთვნის. 2007 წელს Premiere-მა ეს ფრაზა კინოში საუკეთესო ციტატებიდან რიგით მეოთხედ დაასახელა.

6. ყველაზე ახალგაზრდა ნომინანტი
19 წლის ასაკში, ფილმისთვის რა აწუხებს გილბერტ გრეიფს დიკაპრიომ ოსკარის ნომინაცია მიიღო. მართალია, მას არ გაუმარჯვია, მაგრამ, სამაგიეროდ, ოსკარის ამ ნომინაციაზე წარდგენილ ყველაზე ახალგაზრდა მსახიობთა შვიდეულში მოხვდა.
10 საინტერესო ფაქტი ლეონარდო დიკაპრიოს შესახებ

ლეონარდო დიკაპრიო ფილმში “რა აწუხებს გილბერტ გრეიფს”
7. დიკაპრიომ ოსკარის მიღების შანსი ხელიდან გაუშვა.
კვენტინ ტარანტინოს ფილმისთვის უსახელო ნაბიჭვრები ნაცისტი პოლკოვნიკის როლზე ლეონარდო დიკაპრიოს დამტკიცება სურდა, თუმცა, მსახიობმა ამ როლზე უარი განაცხადა. საბოლოოდ, როლი ქრისტოფ ვალცს ხვდა წილად და მან მსახიობს ოსკარი მოუტანა.

8. მსახიობი წლებია ობოლთა თავშესაფრის აღსაზრდელზე ზრუნავს.
სამხრეთ აფრიკაში, ფილმის სისხლიანი ალმასი გადაღების დროს, ლეონარდო დიკაპრიო ობოლთა თავშესაფარში პატარა გოგოს შეხვდა. იქიდან მოყოლებული, მსახიობი გოგონაზე მუდმივად ზრუნავს და ყოველთვიურად თანხას ურიცხავს.

9. ის მარტინ სკორსეზეს მუზაა.
ლეონარდო დიკაპრიომ მარტინ სკორსეზესთან ერთად 5 ფილმზე იმუშავა – ნიუ-იორკის ბანდები, ავიატორი, განდგომილები, შეშლილთა კუნძული და უოლ სტრიტის მგელი. თუმცა არცერთმა მათგანმა მას ოსკარი არ მოუტანა.


ლეონარდო დიკაპრიო ფილმში “უოლ სტრიტის მგელი”
10. ლეონარდო დიკაპრიო ვეგეტარიანელია.